Image
Image
Image

მსოფლიოს ჩემპიონატზე ჯგუფური ეტაპი დასრულდა

image
  • 138

ინგლისი 0:1 ბელგია - მატჩის საუკეთესო მომენტები

დასრულდა მიმდინარე მსოფლიოს ჩემპიონატის ჯგუფური ეტაპი და ყველა მერვედფინალური წყვილიც ცნობილი გახდა.

ქალაქ კალინინგრადის სტადიონზე ერთმანეთს ბელგია და ინგლისი ხვდებოდნენ. ამ გუნდებს, 6-6 ქულით, უკვე განაღდებული ჰქონდათ მერვედფინალში გასვლა და მხოლოდ პირველი-მეორე ადგილები უნდა გაენაწილებინათ ერთმანეთში. ფრე ინგლისს აძლევდა ხელს, ბელგია კი მხოლოდ გამარჯვების შემთხვევაში ასრულებდა ჯგუფურ ეტაპს პირველ ადგილზე.

პირველი ტაიმი უგოლოდ დასრულდა, მეორეს დასაწყისში კი ბელგიამ ზეწოლა გააძლიერა და 51-ე წუთზე იანუზაიმ ულამაზესი გოლით დალაშქრა მეტოქის კარი – 0-1.

ამის შემდეგ ინგლისმა რამდენიმე მეტ-ნაკლებად სახიფათო მომენტი შექმნა, მაგრამ გოლის გატანა ვერ მოახერხა და მატჩი ბელგიის გამარჯვებით დასრულდა.

პარალელურ მატჩში ერთმანეთს პანამისა და ტუნისის ნაკრებები ხვდებოდნენ. ამ გუნდებს მერვედფინალში გასვლის შანსი უკვე დაკარგული ჰქონდათ და მხოლოდ პრესტიჟისთვის თამაშობდნენ. მატჩი საკმაოდ საინტერესოდ წარიმართა და ტუნისის გამარჯვებით დასრულდა – 2-1.
Image
პანამა 1:2 ტუნისი - მატჩის საუკეთესო მომენტები



ამრიგად, ცნობილი გახდა ყველა მეორვედფინალური წყვილი:

ურუგვაი – პორტუგალია
საფრანგეთი – არგენტინა
ბრაზილია – მექსიკა
ბელგია – იაპონია
ესპანეთი – რუსეთი
ხორვატია – დანია
შვედეთი – შვეიცარია
კოლუმბია – ინგლისი

ხვალ, 29 ივნისს, მსოფლიოს ჩემპიონატზე პაუზაა და მატჩები 30 ივნისიდან განახლდება.