Image
Image
Image

მენი პაკიაომ ნოკაუტით მოიგო და ისევ მსოფლიო ჩემპიონი გახდა

image
  • 81
მალაიზიის დედაქალაქ კუალა-ლუმპურში საკრივო ორთაბრძოლა გაიმართა, რომლის შემდეგაც, ლეგენდარული ფილიპინელი მოკრივე მენი პაკიაო ისევ გახდა მსოფლიოს ჩემპიონი. ამჯერად, მან ნახევრადსაშუალო წონაში WBA-ის ტიტული მოიპოვა.

39 წლის პაკიაოს მეტოქე არგენტინელი ლუკას მატისე იყო. ფილიპინელმა პირველივე რაუნდში აქტიურად დაიწყო წინ წასვლა, კარგ კომბინაციებს ატარებდა და მკვეთრი დარტყმებით ახლო მანძილზე არ უშვებდა მეტოქეს.

პირველ უსიამოვნო მომენტს მატისესთვის მესამე რაუნდში ჰქონდა ადგილი, როცა ის მოულოდნელი აპერკოტისგან რინგზე დაეცა. ამ ნოკდაუნით გამოიკვეთა პაკიაოს დიდი უპირატესობა.
მენი აქტიურ შეტევებს აგრძელებდა, თუმცა მატისემაც დაიწყო მიზანში მოხვედრა და თითქოს გაათანაბრა ბრძოლის მსვლელობა, მაგრამ მეხუთე რაუნდის ბოლოს, მეორედ მოხვდა ნოკდაუნში.
Image
ყველაფერი მეშვიდე რაუნდში დასრულა. პაკიაოს მორიგი შეტევისა და აპერკოტის შემდეგ, მატისე ისევ ცალ მუხლზე დაეშვა და ბრძოლა შეწყვიტა.

მენი პაკიოამ ბოლო ბრძოლა ერთი წლის წინ ჩაატარა, როცა ქულებით წააგო ავსტრალიელ ჯეფ ჰორნთან. მისთვის ეს იყო მე-60 მოგება კარიერაში, აქედან 39-ჯერ ნოკაუტით გაიმარჯვა. პაკიაოს, აგრეთვე, შვიდი წაგება და ორი ფრე აქვს. ფილიპინელი არის ერთადერთი მოკრივე, რომელიც რვა წონით კატეგორიაში მსოფლიოს ჩემპიონი ყოფილა.